GoGo Blog

Зүрхтэй зоригтой блоггер байна уу

http://saraachan.blog.gogo.mn — Wed, 24 Feb 2010 16:30:59 ULAT

Зиа нэг юм дуулгая нөхдөө. Юу вэ гэхээр?

Зөгий Радио 107.0-ийн

w.W.w Radio SHow-ний Блогчидтой ярилцах буланд зочноор оролцох хүсэлтэй блоггерийг урьж байна шүү! Мягмар гариг бүрийн 18 цагт Зөгий радио 107.0 дээр блоггер нөхөдтэйгөө уулзацгаая.

Энэхүү буланд зочноор оролцож өөрийн үзэл бодол болоод блог гэж таны хувьд юу болох гэх мэт хүссэн бүгдээ ярилцаж болох юм. Харин оролцох эрх БЛОГ ХӨТӨЛДӨГ ХЭН БҮХНИЙ өмнө нээлттэй байна шүү!

Холбоо барих: Pingbox-д ID-аа үлдээх юм уу эсвэл Сээгийгээр үлдээж болно шүү нөхдөөө!

Өнөөдөр миний төрсөн өдөр

http://saraachan.blog.gogo.mn — Fri, 19 Feb 2010 17:22:14 ULAT

За ингээд ГөүГөү блогийн нэгэн гишүүн болж, блогоо нээгээд 365 хоножээ. Нөгөө эхийнхээ хэвлийд бойждог (уншигчаар ийш тийшээ үсчиж, зочноор сээгий үлдээдэг) үеийг тоолоогүйлдээ хэхэ. Та нөхдийн блогоор орж гарч, инээж хөхөрч, уурлаж уурсаж байхад таатай байлаа. Хааяа ганцаараа инээж, өөртэйгөө ярьдаг болсныг эс тооцвол блогтой болсноос хойш гаж өөрчлөлтгүй байгаа хэхэ. Ямартай ч тавгүй үедээ сэтгэлээ сэргээж, тавтай үедээ сэтгэлээ хөөргөдөг, тайван үедээ ухаарал олдог энэ оронзайд орж ирсэндээ баяртай байнөө. Нулимс цийлэгнэв. Аая лаг уянгын халилтай байна уу кк. За за тэгээд ямар ч байсан цаашид бас сээгийдэж, сээгийдүүлж байна гэж боджуугаа. Тэгж итгэжуугаа.

3 ой хүрэхдээ үсний найр хийнэээ Тануудыг бүгдийг нь уринааа

Зарим хүмүүсийн үгийг аваад 2 ой хүрэхдээ үсний найраа хийж магад кк

Зөвхөн чамаас асууя

http://saraachan.blog.gogo.mn — Fri, 5 Feb 2010 11:00:57 ULAT

Хэнээс ч би ингэж асуухгүй

Хэнэггүй тэнэгхэн чамаас л асууя

Хайртай юу гэж нэг л удаа асууя

Хариултыг нь хэзээ хэлэхээ өөрөө мэддээ

Дуугүй байсан ч болноо хайрт минь

Дураараа л бол юу гэж хэлэхээ

Дурсдаг уу гэж нэг л асууя

Дуртай өнгөөрөө хэл дээ чи минь

Санадаг уу гэж чамаасаа асуун

Санаа түгшин хариулт нэхье

Сайхан байх албагүй ээ хайрт минь

Сэтгэлийг минь амраах хариулт л эрье

Эргээд ирж чадах уу гэж асууя

Эгэл жирийн хайр минь түүнийг л хүснэ

Эгдүүцэж чи минь татгалзсан ч яахав

Энэ л насаараа сэтгэлдээ хүлээе

Итгэж чадах уу хайранд минь чи

Ингэж л чамаас асуух гэсэн юм

Эцэст нь тэгээд хайрыгаа очихоор

Инээгээд тэвэрч чадах уу хайрт минь

Хамтдаа л байж чадах уу хайрт минь надтай

Халуун салхи, хүйтэн бороонд ч тэвэрсээр байж

Хайлган зүрх уярч догдлон дасахын цагт

Хажууд үүрд надтай л хамт байж чадах уу

Найз нь чамаас үүнийг л асууя

Насан туршдаа биш шүү бүү эндүүрээрэй

Нэг л удаа чангаар асууя, сэтгэлдээ л харин үүрд асууя

Нэгэнтээ хариулт л юм чинь үнэнчээр хариулаарай чамаасаа гуйя!

2006.04.20

Амраг хосын нүд адилхан байдаг уу

http://saraachan.blog.gogo.mn — Thu, 28 Jan 2010 23:49:01 ULAT

За жоохон байхад л Сүнс хамтлагийн

"Амраг хосын нүд адилхан байдаг

Алив бүгдээрээ нүдээ харцгаая" гээл дуу их сонсогддог байлаа. Та нөхөд сонсжийсон бол санажаадаа. За тэгээд тэр үед чинь ямар харах гос мос байх ч биш. Амраг гос байтугай А үсэг нь ч байгаагүй байсан нас. Хэнийхээ нүдийг харахав. Хааяа нэг хамаатан садны дажгүй ах эгч нарыг хараал нээрээ үнэн ч юм уу гээл боддийн.

Энэ ер нь үнэн юм болуу Үнэн бол өөр шигээ нүдтэй хүн одооноос хайхийнсааан гэж...

Хаана байгаагаа мэдэж байвал Хамелион шиг байж сур...

http://saraachan.blog.gogo.mn — Tue, 19 Jan 2010 18:08:16 ULAT

Шинэ үеийн сэхээтэн танаа

Дээд боловсролтой, өндөр албан тушаалтай гэж өөрийгөө магтан, биеэ тоогч нөхдүүдэд

Дэрэн дээрээ нулимс унагаж үзээгүй, дэндүү жаргалтай, дэлбэрцэн мөнгөтэй авгай нарт хэлмээр байсийн

Байгаа орчиндоо зохицож чадкум бол БИТИЙ ЖИЖИГ ДЭЛГҮҮРТ ОРЖ БАЙ, БИТИЙ АВТОБУСАНД СУУЖ БАЙ, БИТИЙ ОЛОН НИЙТИЙН ГАЗРААР ЯВЖ БАЙ мэдүү

Яадээн Монголчуудын дийлэнхи нь хэцүү амьдардийн. Аргагүйшд дээр гарсанууд нь амиа бодоод байгаам чинь яахын. Та нөхдийн тэр сайхан Америкаас чинь сайхан байсан үе байсийн. Бүх юм мөнх биш байдийн.

Доголон хүний хажуугаар гүйх зоригтой юм бол

Ядуусын дунд гангалах сайхан байдийм бол

Түрийвчээ тэврээд насаа барах чадалтай юм бол

Машинаа унаад сар луу нисчих авъяастайм бол нийгмээс тусгаар тогтноод, хүн биш робот болчих за

Аа харин чадкум бол хаана байгаагаа мэдрээд ХАМЕЛИОН шиг байж сур гэж хэлмээр санагджийн даа Элит гэж өөрийгөө нэрлэдэг Өндөрт мандсан салбархай тугнууд минь...

Үүрээ засаж сүүдрээ үлдээсэн чамд....

http://saraachan.blog.gogo.mn — Thu, 17 Dec 2009 11:34:07 ULAT

Зүрхийг минь өвтгөн, сэтгэлийг минь зовоон

Зүгээр л бодолд автуулж, гуниглуулж чадах

Зүггүй хүүхэд насны анхны хайрын эзэн

Золгүй дурлалын илч минь зүүднээс минь үүрд явдаа 2006.09.17

......................................................................................

Үнэнч хайрын шувуухай минь чи

Үүрээ засаж сүүдрээ үлдээчихээд

Үүгээрээ намайг амьдар гээ юу

Үүд нь нээлттэй сэтгэл рүү минь

Өндийх ч үгүй юунд дэргэд нь зогсоно вэ

.......................................................................................

Найдаж итгэсэн итгэлээ

Нэгэн төгөлд орхиод

Нулимстай нүдээ инээдээрээ халхлаад

Найз нь удахгүй сэтгэлийнхээ чигийг олно

Тэр үед бүгдийн хариу чи л байх болно

Түлхүүр нь чи болохоор зүрх минь цоожтой байна

Зүрхэнд минь хэн ч намайг гэж ирэхгүй

Зүүдэнд минь л харин чи дандаа зочлох юм 2006.04.20

Таслал хэрэгтэй ч юм шиг....

http://saraachan.blog.gogo.mn — Mon, 7 Dec 2009 00:58:04 ULAT

Новш гэдэг үг зүгээр л амнаас урсаж

Нүднээс нулимс өөрөө бөмбөрөөд

Нууцхан гунигийг минь гадагшлуулж

Нүгэл мэт зовоох шаналалыг үлдэн хөөгөөд...Ийм л байна галт уул дэлбэрэлт

Хаашаа ч юм хүнгүй газар луу

Хэнтэй ч биш дотоод сүнстэйгээ явж

Хэрээнээс өөр хэл дуулгах юмгүй

Хэд хоног амьдарвалч...халуун хайлмал аяндаа намжинадаа

2009.10.29 00:35

Хадмууд тийм аймар юм уу

http://saraachan.blog.gogo.mn — Mon, 30 Nov 2009 15:05:16 ULAT

За би гэдэг хүн нэг их насыг наслаагүй яваа залуу хүн л дээ. Аа гэхдээ бас зарим хүмүүсийн хувьд 40ийн талыг наслах нь чамлахааргүй нас шиг байгаан. Миний насныхан аав ээж болж, амьдрал зохиогоод явж байгаа нөхөд байнөө байна. Тэхээр бас би жоохон хүүхэд биш л юм шиг байгаан. Яах вэ тэгээд өөртөө бол бас бус зүйлийн зах зухаас ойлгоод бодоод тунгаагаад байгааг бодвол бас тэр амьдрал гээч нөхрийн аашыг олох л санаатайм шиг байна.

За олон юм нуршихгүйээ энэ гарчигныхаа сэдэв рүү дөхье.

За би болвоос хүн амьтантай гэрлэж, хуримлаж үзээгүй хөөн. Гэвч бас энэ ойр хавийн хүмүүсийн асуудлуудаас улбаалан хүн л юм хойно их юм бодноо. Би ямар хүнтэй суух бол? Ямартай ч энэ хүмүүс шиг асуудал үүсгэхгүй дээ гээд л ...За тэр асуудал гэдэг нь ХАДМУУД...Хүмүүсийн амнаас олонтаа сонсох юмаа. "Манай хадам (ихэнхидээ ээж) ингээд болохгүй юм, ааш нь олдохгүй, бид нар ерөөсөө ааш зан таардаггүй гээд л..."

Би тэгээд боддиймаа. Хүн өөрөө хүсэхгүй бол хэнтэй ч эерэг харьцаа үүсгэж, зохицож амьдарч чадахгүй байхаа гэж боддийн. Нэгэнт л хүүхэдтэй нь гэрлэсэн бол нэг гэр бүл л болно. Тэгээд яагаад өөрийнхөө аав ээж шиг хандаж болдоггүйм бол, бас тэр хадмууд нь яагаад хүргэн, бэрдээ өөрийнхөө хүүхэд шиг хандаж болдгүйм болдоо? Тэгэж л чадвал уг нь хэн хэнд нь сайхан баймаарсан. Гэхдээ бас яахав зарим талаар таарахгүй байж болох ч миний хувьд лав ирээдүйн нөхрийнхөө аав ээжтэй нөхрөөсөө илүү ойр дотно, яг л охин шиг нь байна гэж боддиймаа. Яагаад ч юм би охингүй дандаа хүүтэй айлын бэр болноо гэж багадаа л ярьдаг байсийн. Одоо хэрнэ тэгэж л бодогдоод байдийн. Тэгээд л би яг л тэр айлын охин шиг нь байж, өөрийнхөө аав ээж шиг л хандана. гэж боддог. Зарим хүмүүст миний бодол инээдтэй сонсогдохын болуу гэсэн бодол орж ирлээ...Гэхдээ яахав та нөхдийн бодлыг сонсмоор санагдсан болохоор энийгээ ингээд оруулчлөө кк. За тэгээд туршлагатай нь туршлагаасаа, туршлагагүй нь над шиг төсөөлөл, төлөвлөгөө, мөрөөдөл, бодлоосоо хуваалцана гэж итгэжийнөө :-)

6 настай хүү ийн өгүүлрүүн...

http://saraachan.blog.gogo.mn — Fri, 20 Nov 2009 16:47:55 ULAT

Зиа энэхүү мөртийг 6 настай дүү маань сая надад уншиж өглөө. Түүнийг П.Түвшинбаяр гэдэг бөлгөө. Энэ нөхөр их эгдүүтэй бөгөөд чамгүй уянгалуулан уншсан тул өхөөрдөн та бүхэнд хүргэж буй нь энэ юм. Ийнхүү зохиох болсон учир нь Дорнодын талд долоо буудуулсан чоно болохсон гэж хаанаас ч юм сонссон гэнээ. Тэгээд тэрнээс санаа аваад зохиосон юм гэж надад хөөрөллөө. Энэхүү шүлгээ "Шөнийн бодол" хэмээн нэрийдсэн гэнээ. Эгч маань өглөөний бодол биш үү гэсэн чинь Зохиогч толгой сэгсрэн үгүй шөнийн бодол гэв.

Хөх тэнгэрт үүл болон замхарч үзхиймсан

Хөх тэнгэрт нар болон мандаж үзхиймсан

Хөх тэнгэрт цас болон хаялаж үзхиймсан

Хөх тэнгэрт бороо болон асгарч үзхиймсан

Хөх тэнгэрт баатар болон тулалдаж үзхиймсан

Хөх тэнгэрт бурхан болон захирч үзхиймсаан би...

Аа тийн манай хүн бас хэдэн сарын өмнө нэг шүлэг зохиосийн. Тэрийг нь сая саналаа.

Уулны цаанаас нар гарч ирэв

Хүмүүс шатах шиг болов

Уулны цаанаас сар гарч ирэв

Хмүүс хөлдөх шиг болов (тагтан дээр зогсоод гадаа тоглож байгаа найзуудаа хараад зохиосон гэнэлээ)

Баян хүнтэй гэрлэмээр байна уу охидоо

http://saraachan.blog.gogo.mn — Thu, 19 Nov 2009 22:49:32 ULAT

Энэ хорвоо дээр хүн болж төрөөд тэмдэглэдэг хамгийн том 3 баярын нэг нь гэрлэх ёслол буюу хурим байдаг. Тэхээр амьдрал зохиох, насан туршийн ханиа сонгох гэдэг бол яах аргагүй хариуцлагатай бас маш чухал зүйл юм байналдаа. Аз жаргал гэхээр л мөнгө төгрөг хангалуун амьдрал хүн бүрийн толгойд орж ирдэг болчихсон нь магадгүй тэр зах зээл гээчийн буян юм боловуудаа...Одоо охидууд таксины ч мөнгөгүй нийтийн тээврийн унаагаар дагуулж явах залуутай нийлээд яахавдээ гэж ярих юм. За нэг залуу байлаа гэж бодъё. Хэтэвч дүүрэн мөнгөтэй найз бүсгүйгээ юугаарч дутаадгүй. Гэтэл хайртай бүсгүй нь түүнд биш хэтэвчинд нь дурлачихаад аз жаргалтай царайлаад яваад байдаг. Нэг л өдөр мөнгө гээч цаасан дарангуйлагч нь устаж алга болохын цагт охин түүнийг орхиод л одох байхдаа гэж бодогджийн. Гэтэл охид гэж масс ярьдаг ч гэлээ та бидний өдөр тутам харж уншиж байдаг сонингийн танилцах зарууд дээр санхүүгийн туслалцаа үзүүлэх эгчмэд бүсгүйтэй танилцана гэсэн зарыг гарын доорхи бүх л сонин, бүх л телевизийн чатнаас бэлхнээ харж болно гэдэгтэй маргах хүн үгүй биз. Тэхээр эр эмгүй ийм сэтгэхүйтэй болчихжээ. Энд ямар нэгэн жендэрийн асуудал яригдахгүй нь ээ. Гэтэл би яагаад энэ бичлэгээ ийн нэрийдсэн бэ ингүүл ихэнхи хүмүүс охидыг буруутгах сонирхолтой байдаг тэгээд л би албаар ингэж охидоо гэсэн юм.

За тэгээд хүмүүс минь үнэхээр л тэгж их хагартлаа баяжмаар байвал баян хүн бодохоосоо өмнө хүний амьдралын утга учир болоод аз жаргал гэж чухамдаа юу болохыг нэг бодоод үзээрэйдээ. Баян хүний хөрөнгөтэй гэрлэж мануухайн амьдарлаар амьдрах эсвэл өөрийг чинь чин сэтгэлээсээ хайрладаг хайрттайгаа хамтдаа амьдралаа бүтээх. Энэ 2-ыг нэг бодоод үзээрэй Мөнгөнд дарлагдаж түүний эрхшээлж жаргах, хайртынхаа өвөрт хамтдаа бэрхшээлийг туулах...

Эцэст нь хэлэхэд Сонголт бүхэн чиний л гарт ...

АЗ ЖАРГАЛТАЙ ГЭРЭЛ ГЭГЭЭТЭЙ АМЬДРАЛЫГ ХҮСЬЕ!

2006 оны 4 сарын 10-ны орой бударсан цас үнэхээр мартагдашгүй байсан

http://saraachan.blog.gogo.mn — Thu, 19 Nov 2009 13:55:30 ULAT

Цасан дээр хөтлөлцөн алхахдаа

Цээжиндээ хайртай чамдаа амлая гэж хайраа илчлэхдээ

Чиний хайранд би аз жаргалтай байсан

Чимээгүйхэн хайртай юу гэж асуухыг хүссэн

* * *

Намрын навчис модноос гөвөгдсөн ч чи ирээгүй

Энэ хайр байж гээд эргээд ирэхийг чинь хүлээсэн

Цас хаялсан өвлийн үдэш дурсамжаа сэргээн ярилцахдаа

Сэтгэлийн үгийг чинь сонссон ч би чамаас явсан.

2009.11.09

Бас нэгэн гоё дуу....

http://saraachan.blog.gogo.mn — Sat, 14 Nov 2009 23:57:03 ULAT

Надад лав эээмар таалагддиймаа

Миний сэтгэлд Тусгаар тогтносон улс

http://saraachan.blog.gogo.mn — Thu, 12 Nov 2009 15:08:14 ULAT

Дотор минь нэгэн улс гүрэн оршиж байна

Дулаахан уур амьсгал, цөөхөн ардтай улс гүрэн

Тусгаар тогтнол бүрэн эрх нь

Тунхагласан цагаасаа ер устаагүй

Үүсгэн байгуулагч нь хэнийг мэдэхгүй ч

Үндсэн хууль нь чи бидний хайрын үгс

Амбан захирагч нь одоогоор байхгүй л байна

Албан тушаалаа мэдэхгүй л яваа чи минь

Улс гүрэн ямар ч гэсэн

Угаасаа нэг л захирагчтай байдаг

Ерөнхийлөгчийн зарлиг гэгч нь

Ерөөсөө чиний минь хэлэх үгс

Харцнаас чинь л бүх зүйл илэрдэг

Хайраар хөглөгдөн үйл явц нь дэвэрдэг

Харц ард нь нэг л зүйлийг хүлээдэг

Хариу нэхэлгүй чиний л зүрх рүү хүсэлтээ илгээдэг

Энэ гүрэн гадаад харилцааг хүсдэггүй

Эдгэрэхгүй шарх адил дотроо л бэтгэрдэг

Хууль тогтоомж нь мөнхөд хүчинтэй

Хайраа хүлээх энхийн манаатай

2006.05.25

Үнэхээр гоё дуу...

http://saraachan.blog.gogo.mn — Thu, 12 Nov 2009 00:29:33 ULAT

Гоё дуу

Ай сайхан бүсгүй...Аргагүй сайхан бүсгүй...

http://saraachan.blog.gogo.mn — Sun, 8 Nov 2009 19:23:48 ULAT

Зиа би гэдэг хүн өнгөрсөн зун гудамж метрлэж яваад нэг сайхан хүүхэн харсан маань санаанд орлоолдоо. Сайхан гэдэг нь эрчүүдийн нөгөө сайхан амьтан гээд ярилцдаг миссүүдтэй адилтгаж байгаа хэрэг л дээ. Түүний бие хаа, царай зүс нь тэгш сайхан, богино юбка дал мөр нь ил гарсан майк өмссөн байсан нь өндөр гоолиг биеийг нь улам ч тодруулан их л донжтой харагдуулж байлаа. За тэгээд өндөр өсгийтэй гоёмсог өнгөтэй сандаал өмссөн тэр бүсгүйн намирсан шулуун хар үс зуны намуухан салхинд их л үзэсгэлэнтэй харагдуулж байлаа. Би ч дотроо Энэ л ёстой нөгөө эрчүүдийн хүсдэг бүсгүй байнадаа гээд л бодчихсон ард нь алхаж явлаа хөөрхий. Гэтэл өнөөх өөгүй мисс гэмээр бүсгүй маань яг урд минь (ихээр бодоход 5 алхмын урд) ТҮЙ гээл шүлсээ хаядаг байгаа. Мөнөөх сайхан бодол, гоо сайхны мэдрэмж цөм будаа болжаагаам чинь... "Ээ бурхаан энэ чинь одоо юу фээ" гэсэн бодол төрж шууд л ой гутсан. Хэрвээ би төлөвшөөгүй, за одооноос 5 жилийн өмнө байсан бол тэр эмэгтэйг гоё сайхныг нь гайхан басчгүй шүлсээ гудамжинд хаяах нь нээх ч чухал анзаарахуйц харагдахгүй л байсан байх. Магадгүй гоё хувцсаа өмсөөд гудамжаар алхаж байхдаа түүн шиг нэг ихэмсэг алхангаа шүлсээ хаяж үзэх байсан байж магад. Харин одоо бол түүнийг хараад их л юм бодогдлоо. Нэг л өв тэгш гоо үзэсгэлэнтэй бүсгүй ийм байх гэж дээ гэсэн бодол тээн алхаж явах зуураа үнэхээр л бидэнд ХОТЫН СОЁЛ гээч нь зайлшгүй хэрэгтэйм байнадаа гэсэн бодол төрлөө. Ер нь тэгээд хотын хөдөөний соёл гэхээсээ илүүтэйгээр хэн хүнгүй иргэншсэн эсэхээ бодоод үзэхэд илүүдэхгүй бизээ...Бид 20-р зуунд л гудамжиндаа хог, цэр шүлсээ хаяахаа байя, явган нөхөд нь гарцаараа гарч, унаатай хэд нь гарцан дээрээ зогсож сурцгаая гээлллл ярьдаг байсан. Гэтэл одоо хэр нь энэ нь асуудал хэвээр л байна. Хэн бодох ёстой вэ гэвэл БИД л өөрсдөө бодож тунгаан, ядаж өөр өөрсдийгөө зөв аваад явбал хойч үе дүү нар маань суралцах байхдаа хэмээн бодсоноо энд тогшин өгүүллээ. Та нөхөд бодлоо хуваалцана биз.

(Энэ бичлэгт сайхан эмэгтэйгээр төлөөлүүлэн хэлсэн болохоос бүх хүнд л хамаатай зүйлийг хэлсийм шүү)

Зүгээр л нэг 4 мөрт...

http://saraachan.blog.gogo.mn — Thu, 5 Nov 2009 13:38:43 ULAT

Тэнд чамд дурласан болохоор очих дуртай

Тэргэл сарантай ярилцдаг болохоор мөрөөдөх дуртай

Биелэхгүй хүсэл биелдэг болохоор зүүдлэх дуртай

Бүтэхгүй ч гэсэн санах сайхан болохоор чамайг дурсах дуртай

2007.05.14

Тэр нэгэн залууд...

http://saraachan.blog.gogo.mn — Mon, 26 Oct 2009 11:17:15 ULAT

Тохирохгүйгээ мэдээд би чамаас холдсон юмаа залуу минь

Тохуурхаж чиний сэтгэлээр тоглохыг хүсээгүй юм

Тоомжиргүй дүр эсгэн жүжиглэснийг минь уучлаарай

Томоогүй насанд минь дурласан чамд баярлалаа...

Чи сайн хүн гэхдээ надад тохирохгүй

Чин сэтгэл чинь харцнаас чинь харагддаг ч

Чимээгүй дотроо би чамаас уучлал гуйдаг

Чимхийн төдий ч хажууд чинь байгаагүйг өршөөгөөрэй

Удахгүй би ээж болно...

http://saraachan.blog.gogo.mn — Fri, 23 Oct 2009 19:28:49 ULAT

Хэвлийдээ хайртай үрээ тээж яваа надад бодох тунгаах, төлөвлөх төсөвлөх юм бишгүй л дээ. Цаашид би чинь яах билээ, хүүгээ өсгөхөд юу юу хэрэгтэй, эхний ээлжинд боломжийн цалинтай ажилд орох нь чухал. Харин тэр үед хүүгээ хэнд харуулах вэ? Цэцэрлэгт орох хүртэл нь уг нь өөрөө өсгөмөөр байх юм. Даанч байрны лизинг нтр гээд л ажилгүй удаж болохгүй байдаг. Ажил бас хэцүүдэх гээд л...энэ мэт бодох юм их ээ. Хайртынхаа хүүг төрүүлэх гээд ингээд байж байгаадаа итгэж ядан баярлах авч хааяахан эмнэлэгт ганцаардах нь жоохон тиймхэн л дээ. Эмнэлэгийн өрөөнд ганцаардахын эрхэнд гадаа салхилхаар гарна. Нөгөө л муу зуршил минь надад хань болно. Дүрсгүй хүүхэд насандаа дэггүйтэн тоглож гүйхдээ шохоорхон зуусан тэр мөчөөс хойш намайг огт орхиогүй золиг байгаамлдаа. Одоо хэрнэ хаяж чадалгүй хадгалсаар л байна. Хүүд минь муу гэж сонссон хэдий ч яах ч аргагүй нөхөрлөчихөөд байх юм. (Амаржихын гадаа салхилан, тамхилж суугаа эмэгтэйчүүдийг хараад ийн бичихэд хүрэв )

Эх хүн танаас элэг бүтэн амьдралын төлөө

Ээжийн тань охиноо гэсэн сэтгэлээс гарах итгэлээр

Бүсгүй танаас эх орны чинь ирээдүйн төлөө

Бүлээн зүрх нь лугшин буй урагийн тань амьсгал бүрийн тоогоор өвдөг сөгдөн гуйя

Эцгийн тань санчиганд буусан хяруу

Эрүүл байлгах гэж чамайг өсгөхдөө ядарсныг гэрчилдэг шиг

Эргээд хүү тань чамаас аврал эрэхийн цагт

Энэ насны тэрхэн агшныг буцааж чадахгүйгээ нэг бодоод үзээрэй

Алаг үр хүсээд заяахгүй бол орчлонг яалтай

Амьдралд бүхнийг амлаад ч анзаарч тоохгүй нь лав

Азтай золтой учирлаар өөрийг чинь сонгон ирэхэд нь

Ангир уургаа биш аймшиггүй хортноор утах нь...

Өдөр бүр амаржихын хажуугаар явахдаа харах бүрт сэтгэл өвдөн, зүрх шимширдгийг нуух юун... Адилхан эмэгтэй хүн тул ойлгохыг хичээн дээр хэдэн өгүүлбэр өгүүлсэн нь хэн нэгний тухай биш харин хэн нэгэн түүнийг уншаад хаа нэгтээ нэгэн цагт сэтгэлд тань байсан нэгэн бүсгүй ийн гунихран суухвий гэж сануулахыг хүссэнийх билээ. Хамтдаа бүтээх энэ амьдралд хэн хэн нь бодолтой байвал аз жаргалыг бүтээж чаднаа. Тиймээс шинэхэн аав ээжүүддээ бүгдэд нь аз жаргал хүсье!

Дэндүү хол орон зай, дэндүү хожуу ухаарлыг үзэн ядсан

http://saraachan.blog.gogo.mn — Sat, 5 Sep 2009 14:35:49 ULAST

Чамаас ганц үг сонсоод баярлана гэж бодсонгүй

Чамлахааргүй хугацаа өнгөрсөн болохоор мартсан л гэж бодсон

Хэнэггүй атлаа нухацтай яриа чинь хэвээрээ байналээ

Хэзээ ч юм минийх байхдаа яг л ийм байсан байх

Дэргэд чинь байсан бол тэврээд авмаар санагдсан

Дэндүү хол орон зай, дэндүү хожуу ухаарлыг үзэн ядсан

Дэмий ч юм хийчихвүүдээ чи минь гэж өөртөө л шивнэсэн

Дэгэлзүүлж намайгаа догдлуулдаг нь юуных вэ гэж асуухыг хүссэн

Чамд би бууж өгөхгүй...

http://saraachan.blog.gogo.mn — Wed, 5 Aug 2009 00:42:18 ULAST

Би гэдэг хүн хүүхэд ахуй насандаа бүтэх бүтэхгүй хязгааргүй олон мөрөөдөлтэй байжээ. Нүд минь дахин давтагдашгүй агшин бүрийг алдалгүй хальсанд буулгадаг байсан бол гээд л боддог байлаа. Хэ хэ. Тэгээл нээх хөөрхөөөн нэг гоё юм харахаараа л “Хэрвээ миний нүд...” гээд л мөрөөдөөд эхлэнэ. Жоохон байждээ.

За тэгээд жоохон том боллоо. Дунд ангид оронгуут л хүн болгон “За ямар мэргэжилтэй болох гэж байна?” гээл үргэлж асууна. Би мээээдкү гэж хэлэх хэрнээ дотроо “Бүхий л мэргэжил гоё юмдаа. Болдог бол бүх мэргэжлээр ажиллаж үзэхсэн. Тэгээд л эцэст нь өөртөө тохирох мэргэжлээ олох юмсан.” гэж боддог байлаа. Ахлах ангид орохоосоо ч өмнө “Ажилд ороод амьдрал цэгцрэхээр нэг сайхан кино хийнэ” гэж бараг өдөр бүр боддог байжүүлээ. Ахлах ангид бол бусдын л адил аз жаргалтай амьдралыг л мөрөөдөн ярьдаг байлаа.

Одоогийн залуусын бараг дийлэнхи нь гадаадад гарч сурах, ажиллах, амьдрахыг хүсдэг болсныг хүн бүр л мэдэх байх. За одоо ч ялгаагүй дээ. Болж өгвөл гадагшаа гарах юмсан гэсэн хүмүүс энд тэндгүй. Гэвч би яагаад ч юм бусад шиг тэгэж ихээр гадаад явахыг хүсдэггүй байлаа. Одоо хэр нь нэг их хүсдэггүй л дээ. Гэхдээ одоо бол залуу насандаа юм үзье, бусдын адил эх орноосоо хол байх, хүний нутагт амьдрах, ажиллах ямар байдгийг, басхүү энэ хүмүүсийн тэгтлээ их хүсээд байгаа, гайхан бишрээд байгаа тэр боловсрол нь ямар байдгийг үзмээр санагдана.

Харин хэзээд намайг орхихгүй нэг мөрөөдөл бий. Тэр бол “МИНИЙ АМЬДРАЛЫН ТАЙЛАН ЮМ.” Би уг нь шашингүй үзэлтэн л дээ. Гэвч яагаад ч юм хойд нас байдаг гэдэгт итгээд байдын. Тэгэж бодоод мөрөөдөх нь надад үнэхээр амттай байдаг. Яагаад гэвэл би хойд насандаа энэ амьдралынхаа туршид хийж бүтээсэн бүхнийхээ үр шимийг хүртэнэ гэж бодох надад сайхан байна. Тиймээс хүрч болох тэр мөрөөдөл бүхэндээ хүрэхийн тулд би юу хийх ёстойгоо сайн мэднэ. Гэвч цаг хугацаа намайг хүлээлгүй урссаар л... Гэхдээ би мөрөөдөлдөө тэмүүлсээр байгаа цагт урсан өнгөрөх ЦАГ чамд тийм ч амархан бууж өгөхгүй дээ!